Autoritetet franceze kanë zhvilluarnjë opercion antidrogë në zonën e Normandisë dhe në grykën e Senës. Nga ky operacion janë vënë në pranga 28 persona të cilët dyshohet se i përkatisn të njëjtit rrjet kriminal. Mes të arrestuarve është edhe një shtetas shqiptar.
Operacioni rezultoi në sekuestrimin e tre anijeve (një mallrash, një anije peshkimi dhe një skaf) dhe 800 kilogramëve kokainë nga Brazili.
Autoritetet dyshojnë se pas këtij aktiviteti kriminal qëndron mafia shqiptare, pasi në mesin e të arrestuarve është një shqiptar.
Hetimet nisën më 19 tetor 2023 dhe u përditësuan më 19 shkurt 2024. Pas 18 muajsh hetime, dega e OFAST në Le Havre dhe forca të tjera policore u vendosën të enjten e kaluar, me informacionin se një transport i madh droge do të shkonte në veriperëndim të Francës. Në atë moment u aktivizuan burimet në dispozicion për të siguruar mbikëqyrjen e vendosur rreth disa kriminelëve dhe bashkëpunëtorëve, duke përfshirë ekuipazhin e një varke peshkimi nga Ouistrham dhe pronarin e një skafi të ankoruar zakonisht në Seine Maritime.
Rreth mesnatës u nis një operacion i paprecedentë për të koordinuar të gjitha këto shërbime. Gati 100 oficerë policie u vendosën për të arrestuar të akuzuarit kur ata u kthyen në bordin e anijeve për në breg në të njëjtën kohë në Ouistrham dhe Tancarville. Gjithsej gjashtë burra, përfshirë tre peshkatarë dhe dy gra u arrestuan në Tancarville, Le Havre dhe Ouistrham. Disa kanë procedime gjyqësore të lidhura me krimet e peshkimit, të tjerë dënime për vjedhje të rëndë, dhunë ose trafik droge.
