Izraeli ka goditur strehëzat e improvizuara jashtë dy spitaleve kryesore në Rripin e Gazës, duke vrarë të paktën 13 persona, mes tyre një reporter dhe duke plagosur dhjetra të tjerë përfshirë edhe gazetarë.
Ushtria izraelite sulmoi një tendë ku ishin strehuar gazetarët jashtë spitalit Nasser në Khan Younis, duke vrarë Yousef al-Faqawi, një reporter i Palestine Today TV. Sipas raportimeve, dy nga gjashtë reporterët e plagosur janë në gjendje kritike.
Në disa bombardime të mëpërashme, ushtria izraelite vrau më shumë se 57 njerëz dhe urdhëroi banorët e pesë lagjeve të Deir el-Balah qendrore të largoheshin.
Ndërkaq, një dron izraelit ka goditur qytetin jugor libanez të Taybeh, në mes të një vale të re sulmesh që kërcënojnë armëpushimin e rënë dakord Izraeli me Hezbollahun katër muaj më parë.
Nga ana tjetër në sulmet ajrore të Shteteve të Bashkuara mbetën të vrarë katër persona në Sanaa të Jemenit duke lënë të plagosur dhjetëra persona, mes tyre gra dhe fëmijë.
Dhjetëra njerëz në Jemen janë vrarë në sulmet e fundit të SHBA-së që kur Trump i urdhëroi ata të rifillonin sulmet muajin e kaluar.
