Derbi i kryeqytetit mes Tiranës dhe Partizanit është gjithmonë një ndeshje e veçantë, por sot ka edhe një rëndësi shumë më të madhe, për shkak pozitave të dy ekipeve dhe nevojës që kanë për pikë.
Për sa i përket ekipit të arbitrave sot, do të jetë Juxhin Xhaja ai i cili do të ndajë drejtësinë në këtë takim të rëndësishëm për ecurinë e dy skuadrave.
Xhaja ka drejtuar edhe derbin e parë të këtij edicioni, po në ”Arena Kombëtare” i cili u mbyll 0-0 dhe pa shumë polemika mes skuadrave sa i përket gjykimit.
Asistentët e tij janë Arbër Zalla dhe Rejdi Avdo, ndërsa gjyqtar i katërt është Florjan Lata. Sa i përket VAR-it, aty është caktuar Kreshnik Barjamaj, me Emanuela Rustën si asistente në AVAR.
