Të hënën, në orën 20:00, në “Arenën Kombëtare”, do të luhet derbi Tirana-Partizani.
Kjo sfidë, e fundit për këtë sezon në Superiore pritet të dhurojë emocione të forta në një duel ku për bardheblutë fitorja është jetike për të shpresuar për të mbijetuar në elitë, ndërsa për Partizanin ka më pak presion e cila gjendet në “Final Four”.
Biletat prej disa ditësh kanë dalë në treg dhe shitja vazhdon normalisht ndërsa “Arena Kombëtare” do të jetë e mbushur në pothuajse gjysmën e kapacitetit.
Në stadium pritet të jenë të pranishëm diçka më shumë se 11 mijë tifozë, ndërsa interes më të madh kanë shfaqur mbështetësit e ekipit bardheblu.
Tirana kërkon t’i largohet fundit të tabelës, ndërsa Partizani të ruajë vendin në “Final 4”, ndaj çdo rezultat nga ky duel mund të jetë vendimtar për fatin e të dyja skuadrave.
