Fitore dramatike ‘in extremis’ e Valencias përballë Realit të Madridit në ‘Bernabeu’, duke u dhënë një goditje të madhe “Los Blancos” në garën për titullin kampion të La Ligas.
Skuadra e Ancelottit, në përpjekje për të gjetur golin e fitores në kohën shtesë, pasi rezultati ishte mbërther në shifrat 1-1, pësoi golin e dytë në minutën e 95-të, duke u kapur në befasi me kundërsulm.
Ishte Hugo Duro ai që e çoi topin në rrjetë me kokë, pas asistit perfekt të Mir.
Në fakt, Reali që në fillim tregoi se nuk ishte në një ditë të mirë, me Vinicius Junior që gaboi nga pika e bardhë e penalltisë në minutën e 13-të, para se Diakhaby të realizonte për Valencian.
Pas shumë përpjekjesh Reali barazoi me Vinicius në të 50-tën, por në shtesë ndodhi ajo që më pak pritej, goli i dytë i Valencias.
Real Madrid gjendet në vendin e dytë me 63 pikë, ndërsa Barcelona sonte ndaj Betis ka mundësinë të shkëputet në +6 nga madrilenët.