Në kryeqytetin e Serbisë është duke u mbajtur Kongresi i UEFA-s me të gjithë anëtarët e organizmit evropian të futbollit.
Flamuri i Kosovës u ngrit dje në Beograd në hyrje të sallës që sot po mbahet Kongresi i 49-të i UEFA-s.
Ndërsa sot Federata e Futbollit e Serbisë ka hequr flamurin e Kosovës. Por jo vetëm kaq edhe në sallën ku po mbahet ky Kongres të gjitha vendet anëtare përfaqësohen me flamujt e tyre, vetëm ajo e Kosovës jo, e cila shihet vetëm me logon e Feratës së Futbollit të Kosovës.
Ndërkohë ka reaguar Federata Serbe edhe nëpërmjet një komunikate, ku ka kërkuar edhe falje gjithë serbëve.
“Kongresi i 49-të i UEFA-s po zhvillohet sot në Beograd, një nga ngjarjet më të mëdha që është mbajtur ndonjëherë në vendin tonë. Kongresi organizohet nga UEFA, ndërsa Federata e Futbollit e Serbisë mirëpret figurat më të rëndësishme të futbollit në Evropë dhe botë. Organizimi i jashtëzakonshëm u zbeh nga një neglizhencë e organizatorëve, të cilën një pjesëmarrës në Kongres u përpoq ta shfrytëzonte për interesa jo-futbollistike. Reaguam së bashku, shpejt dhe me vendosmëri, dhe me përgjegjësi të plotë informojmë publikun se nuk ka asnjë flamur apo simbol të Kosovës në Kongresin e UEFA-s sot në Beograd. Kërkojmë ndjesë për çdo qytetar tonin dhe çdo anëtar të popullit tonë, veçanërisht për bashkëkombësit tanë në Kosovë, të cilët u ndjenë të shqetësuar dhe të lënduar nga kjo mungesë vëmendjeje e organizatorit, e cila u korrigjua menjëherë pas reagimit tonë”, thuhet në komunikatën e Federatës serbe të futbollit.
Ndërkohë president i Federatës Shqiptare të Futbollit, njëkohësisht edhe zv. President i EUFA-s, deri më tani ka heshti dhe nuk ka asnjë reagim duke heshtur, pasi Shqipëria dhe Serbia do të organizojnë kampionatin e EURO U-21 së bashku.
Gjithë ky skandal po ndodh në sytë e UEFA, pasi Kosova është një anëtar me të drejta të plota në këtë organizatë.
Ndërkohë edhe presidenti i UEFA-s Ceferin, e ka shmangur skandalin, teksa mburrej se futbolli nuk ka lidhje me politikën, në kohën kur zyrtarët serbë hoqën flamurin e Kosovës për këtë shkak.