Pesë shqiptarë janë arrestuar gjatë një operacioni anti-drogë në Gjermani.
Aksioni u udhëhoq nga Departamenti i Hetimeve Kriminale të Ingolstadit. Detektivët, të mbështetur nga forca të shumta nga departamente të ndryshme policore, disa nga Mynihu, arrestuan shtatë të dyshuar.
Gjatë kontrollit në një banesë u sekuestruan rreth 3.1 kilogramë kokainë, afërsisht 15.000 euro dhe enë të ndryshme. Hetuesit sekuestruan gjithashtu një Mercedes AMG të ri dhe një Jaguar.
Prokuroria publike e Ingolstadt ka aplikuar më pas për urdhër-arrest kundër pesë shqiptarëve dhe një shqiptari të Kosovës, të moshës nga 25 deri në 41 vjeç, të dyshuar për trafik të paligjshëm të kokainës.