Egnatia dhe Partizani po përballen në Rrogozhinë në duelin e parë gjysmëfinal mes tyre, për një vend në finalen e Kupës së Shqipërisë.
Rrogozhinasit janë fitues në fuqi të turneut dhe duan të mbrojnë fronin në të cilin janë ulur në dy sezonet e kaluara. Ndërkohë, Partizani kërkon t’i kthehet përsëri Kupës, që është një turne të cilin shpesh e kanë injoruar në të kaluarën, por që tashmë duket gjithnjë e më shumë si mundësia e vetme për të festuar me një trofe në këtë edicion.
Sa i takon takimit të sotëm Egnatia është shfaqur dominuese në fushë por rezultati vijon të jetë i barabartë pa gola edhe pse janë luajtur më shumë se 65 minuta.
Rasti më i mirë i përket minutës së 58-të. Pas zhvillimit të një goditje nga këndi, sfera shkon te Bakajoko i cili gjuan me kokë por topi ndalet në shtyllë.
