Partizani hedh një hap të rëndësishëm drejt finales së Kupës së Shqipërisë.
‘Demat e Kuq’ fituan 1-0 në Rrogozhinë përballë Egnatias në ndeshjen e parë gjysmëfinale, duke marr një avantazh shumë domethënës për takimin e kthimit që do të zhvillohet në “Arenën e Demave”.
Golin e vetëm të këtij akti të parë gjysmëfinal e realizoi Keko me penallti pesë minuta para përfundimit të kohës së rregullt.
Një kundërsulm i shpejtë nxjerr Kekon të vetëm pranë portës, me sulmuesin i cili rrëzohet në zonë pas kontaktit me Zejnullain. Gjyqtari nuk heziton e bën shenjë nga pika e bardhë.
Duke se drejtuesit e të kuqve me rikthimin e Skënder Gegës në stol kanë gjetur ilaçin për të kthyer ekipin në shina.
Gega debitoi me fitore në stolin e Partizanit në kampionat, kundër Laçit, për të ardhur më pas tek ky sukses shumë i rëndësishëm në Kupën e Shqipërisë.
