Ndërsa bota shikon njoftimin e shumëpritur të Donald Trump, ai ngriti një tabelë lart në podium në Kopshtin e Trëndafilave.
Kjo tregoi një listë të disa vendeve – përfshirë Mbretërinë e Bashkuar – me tarifën që ata ngarkojnë SHBA-në dhe tarifën që ai do të vendosë në këmbim, shkruan Sky News.
Ja një vështrim në disa nga tarifat e spikatura që Trump do të vendosë në mbarë globin, sipas tabelës së tij.
- Kinë – 34%
- BE – 20%
- Indi – 26%
- MB – 10%
- Japonia – 24%
- Australi – 10%
Duke gjykuar nga kjo listë, duket se Britania e Madhe është kursyer nga tarifat më të këqija.
“Udhëheqësit e tjerë kujdesen për vendet e tyre, duke zbatuar tarifa të mëdha për importet amerikane,” tha Trump, duke shtuar se SHBA-të do të bëjnë të njëjtën gjë.
“Ne duhet të fillojmë të kujdesemi për vendin tonë tani,” vazhdoi ai.
Teksa përshkruan pamjen e tij të një ekonomie të rinovuar amerikane të nxitur nga tarifat e gjera, Trump tha se fabrikat e prodhimit “bosh, të vdekura” dhe “fabrikat në rënie” do të zëvendësohen me të reja.
Trump tha se gjatë mandatit të tij të parë, ai kishte bërë plane për të vendosur tarifa reciproke. Por ai vë në dukje se pas një “zgjedhjeje të keqe” në 2020, në të cilat humbi ndaj Joe Biden, ai pati një “fitore monumentale” nëntorin e kaluar.
“Ky do të jetë një vend krejtësisht ndryshe në një periudhë të shkurtër kohe. E gjithë bota do të flasë për të,” thotë ai.
Ai vazhdon të diskutojë për çmimet e larta të vezëve dhe pretendon se rritja e madhe nuk është faji i tij.
