Milan dhe Inter kanë barazuar në gjysmëfinalen e parë të Kupës së Italisë. Derbi i Milanos, i zhvilluar në stadiumin “San Siro”, nuk kishte fitues, teksa është mbyllur me rezultatin 1-1.
Golin për Milanin e shënoi Tammy Abraham. Sulmuesi anglez e gjeti rrugën e rrjetës në minutën e 47-të të sfidës. Ndërkohë që për barazimin te Inter, mendoi ish-i kuqezi, Hakan Calhanoglu në të 67-tën.
Një barazim që lë hapur gjithçka në ndeshjen e kthimit, aty ku do të vendoset edhe finalisti i Kupës së Italisë. Kujtojmë që fituesi mes Milan dhe Inter, me shumë mundësi do të përballet në finale me Bolognan.
Kjo për shkak se Bologna ka mposhtur me rezultatin 3-0 Empolin në gjysmëfinalen e parë dhe sfida e kthimit pritet të jetë më lehtë për ta, pasi thjeshtë u duhet të menaxhojnë triumfin.
