Në emisionin e sotëm “Plug” vijoi investigimie i rrjetës thithëse të parave publike nga “5B-të” e Belinda Ballukut.
Të cilat veç detyrës së ngarkuar nga partia, detyrojnë edhe vartësit, për të bërë gjithçka për të bllokuar denoncimet për ta.
Një prej rasteve me flagrante, është angazhimi për të sulmuar emisionin PLUG, për investigimin e kryer mbi Drejtorin e Autoritetit të Aviacionit Civil Maksim Et’hemaj. Për angazhimin e jashtligjshëm, të aparatit të administratës vjen në ndihmë, zv. Drejtoresha e Doganava Monika Dushku. Kjo e fundit, më shumë se sa e shqetësuar për Et’hemajn, duket se ka një hall edhe më të madh. Ajo si dhe familja e saj, janë të përfshirë në skemat korruptive të “5B”, siç çdo drejtor i Belinda Ballukut.
Pak ditë më parë, në redaksinë e emisionit PLUG mbërrin një denoncim që lidhet me emisionin që sapo ndoqët. Një punonjës dogane – që për arsye sigurie do të mbetet anonim – tregon se ka marrë urdhër nga Monika Dushku për të reaguar dhe bërë ‘report’ në rrjetet sociale, këtë puntatë të emisionit Plug.
Kjo do të shërbente për stafin e PLUG si një indicie për të kuptuar kush është ky personazh që urdhëron punonjës të doganave për të bërë këtë shërbim kundër fjalës së lirë dhe medias, për sa kohë nuk është as detyrë funksionale, e zyrtarëve që urdhëroheshin. Nga verifikimet, rezultoi se Monika Dushku që u kërkon zyrtarëve të doganave të raportojnë dhe sulmojnë publikisht median që denoncon lidhjet korruptive, nuk është as më pak e as më shumë por numri 2, i doganave shqiptare.
Monika Dushku, sipas CV-së së publikuar në faqen zyrtare të Drejtorisë së Përgjithshme të Doganave, mban detyrën e Zv. Drejtorit të Përgjithshëm që nga viti 2019. Ky post është kyç pasi ajo ka mundësi të përzgjedhë të gjitha burimet njerëzore të Doganave, ose siç quhen, “doganierët”, që sot i urdhëron me mesazhe për të kryer edhe punë të tjera, për ndjesitë apo raportet e errëta, pa lidhje me detyrën për të cilën merr pagën nga taksapaguesit shqiptarë.
Por historia e Monikës duket se nuk ka vetëm një lidhje me administratën, apo të shërbyerit në këtë funksion prej aftësisë së saj. Ajo ka një lidhje të fortë me Partinë Socialiste dhe rezulton të jetë tezja e Olta Xhaçkës, deputetes socialiste të preferuar nga Edi Rama, për mandatin e të cilës sfidoi kompetencat e parlamentit, e madje krijoi një përplasje të rëndë kushtetuese, duke asgjesuar edhe kompetencat e saj. Madje fuqia e Olta Xhaçkës në vendimarrjen e qeverisë dhe Edi Ramës, u faktuar edhe më marrjen e statusit të investitorit strategjik, nga bashkëshorti i saj Artan Gaçi. Kjo lidhje u dëshmua aq e fortë, saqë edhe kur drejtësia gjeti zhvatje toke publike e falsifikime, burgosi çdo zyrtar periferik, por asnjëherë nuk veproi mbi pronën e ish-ministres së Jashmte, bashkëshorti i së cilës ishte përfituesi fundor nga ky krim.
Lidhja familjare me Olta Xhaçkën, duket se është vetëm një nga linjat e sigurisë së saj politike. Monika Dushku ka lidhje edhe më të forta me pushtetin përmes vajzës së saj, Sindi Dushku. Sindi, një emër krejtësisht i panjohur për publikun, ka nisur karrierën si këshilltare e ministres Belinda Balluku dhe më pas, në vitin 2021, është emëruar drejtoreshë kabineti.
Kjo lidhje e ngushtë me administratën publike dhe pushtetin ka ngritur shqetësime, pasi duket se të gjithë anëtarët e familjes Dushku janë të pozicionuar në detyra të rëndësishme, duke u përfshirë në administratën shtetërore dhe biznese. E në këto kushte, duket se mamaja bëhet shumë e ndjeshme, kur Emisioni plug u tregon qytetarëve fakte dhe afera ku rezulton e përfshirë shefja e vajzës së saj. Madje lidhjet janë aq të forta, saqë vajza e Moniak Dushkut është fotografuar me Belinda Ballukun teksa kjo e fundit bënte shoping në Athinë me Arbër Avramin, djalin e Vladimir Avramit.
Në fakt, Monika Dushku nuk është vetëm një zyrtare e lartë e Doganave, por ka një tjetër lidhje shumë interesante. Vajza e saj, Jona Dushku, është një emër që ka tërhequr vëmendjen. Pas përfundimit të studimeve, Jona dhe partneri i saj, Andi Muhametaj, të dy vetëm 25 vjeçarë, themelojnë kompaninë Star Spedition në janar të vitit 2015, një kompani që operon në fushën e agjencive doganore dhe transportit të mallrave. Andi Muhametaj do të zotërojë 90% dhe Jona Dushku 10% të aksioneve.
Dhe këtu fillon të shihet një lidhje e ngushtë me administratën doganore. Një agjenci e sapo krijuar, nga dy të rinj pa asnjë eksperiencë në këtë sektor, në një kohë rekord, hapin 5 degë të agjencisë në disa nga pikat doganore më të rëndësishme të Shqipërisë, si Shkodra, Vora, Durrësi, Vlora dhe Rinas.
Për çudi, një agjenci e sapo krijuar arrin të hapë kaq shumë degë, dhe kjo është vetëm një nga pyetjet që na vijnë në mendje. Çfarë qëndron pas kësaj shpejtësie në zgjerim? Doganat në atë periudhë drejtoheshin nga Elisa Spiropali, një mikeshë e ngushtë e Olta Xhaçkës. Dhe dyshimi i fortë që ngrihet në këtë rast, është, a kishte Elisa Spiropali trajtim preferencial për tezen e mikeshës së saj dhe vajzën 25 vjeçare?
Në prill të vitit 2015, Jona Dushku vendos të dhurojë 10% të aksioneve të saj për dy individë, Bledar Taraj dhe Edevaldo Topalli, duke u larguar përfundimisht nga pronësia e kësaj kompanie.
Vetëm 3 muaj pas kësaj, më 1 korrik 2015, Andi Muhametaj i dhuron 90% të aksioneve të tij Jona Dushkut, e cila vetëm 3 muaj më parë kishte deklaruar se do largohej nga shoqëria. Por transaksionet e aksioneve të kësaj kompanie nuk mbarojnë këtu. Disa muaj më pas, Jona Dushku dhuron aksionet e kompanisë për Kostandin Stojës, duke pasur kështu një strukturë të re aksionerësh. Tashmë pronarë të kësaj agjencie doganore janë Kostandin Stoja 80%, Jona Dushku 10%, Edevaldo Topalli 5% dhe Bledar Taraj 5%.
Në vitin 2015, kompania Star Spedition raportoi një faturim prej rreth 60,000 euro, ndërsa vitin pasues, faturat arritën në rreth 170,000 euro. Për vitin 2018, faturimi ishte rreth 190,000 euro. Ajo që bie në sy në këtë periudhës është se këto del një tjetër lidhje e kompanisë së vajzës së Monika Dushkut me Tosk Energji një kompani e investiguar më parë nga plug për aktivitetin e saj të errët.
Për vitin 2019 kompania faturon 160.000 euro ndërsa për vitin 2020 kompania faturon 178.000 euro, e në listën e klientëve tashmë është dhe kompania e famshme 5D Konstruksion.
Në tetor të vitit 2021 Jona Dushku vendos përfundimisht të dhurojë dhe aksionet e mbetura sërish te shtetasit Bledar Taraj dhe Edevaldo Topalli.
Sipas të dhënave të depozituara në QKB rezulton se klientë të kësaj agjencie janë disa nga kompanitë më të mëdha të tregëtisë së naftës dhe jo vetëm, në Shqipëri si Eroil sha, Bolv oil sha, Everest shpk, Shpiragu etj.
Imponimi apo arritja e marrëdhënieve me kompani të këtyre niveleve, nuk mund të arrihen kurrësesi nga një kompani e sapo krijuar nga dy 25 vjeçarë, pa një tablo me lidhjet të ngushta me administratën doganore dhe politikën qeverisëse.
Në vitin 2019, Monika Dushku emërohet Zv. Drejtor i Përgjithshëm i Doganave, ndërkohë që e bija, Jona, ishte aksionere e një agjencie doganore që operonte në gjashtë doganat kryesore të vendit. Për më tepër, për vitin 2021, Star Spedition raportoi një faturim prej 220,000 euro, një shifër kjo që nuk kishte asnjë logjike ekonomike që Jona Dushku të dhuronte aksionet e saj aq fitimprurëse. Për vitin 2022 kompania faturon rreth 200.000 euro, e këtë vit shtohet dhe një tjetër furnitor i lidhur me ministrinë e Belinda Ballukut.
Klient i kompanisë së vajzës së Monika Dukhkut, do të bëhej ALBANIAN SEAPORTS DEVELOPMENT COMPANY, me aksioner Autoritetin Portual Durrës, kompani e cila është aksonere e projektit Durrës Marina të Alabar.
Se çarë shërbimi ka blerë Agjencia Doganore te kjo kompani do duhet ta zbulojnë hetimet. Ndërsa për vitin 2023 kompania Star Spedition faturon 170.000 euro. Pikëpytje ngrihen edhe mbi procedurën që duhet ndjekur për të siguruar licensen e Agjentit Doganor, pasi legjislacioni për këtë është strikt, dhe ekspozon përballë disa dyshimeve mundësinë e dy 25 vjeçarëve për t’i plotësuar. Veç kritereve të formimit arsimor, aftësive manaxheriale, konfirmimit nga administratës doganore është edhe një nen i rëndësishëm i ligjit, që parashikon garancinë financiare të kompanisë.
Neni 78, pika 4 gërma C, që kompania apo indvidi që merr tagrat e përfaqësimit të Autoritetit Doganor duhet të “Të depozitojë një garanci në shumën:
– depozitim ne bank cash 100.000 euro
– garanci me banke apo kompani sigurimi
– (për tranzit dhe borxh doganor) 500.000 euro.
Dokumentacioni për përmbushjen e kushteve që duhet të depozitohet për licencim përcaktohet me udhëzim të drejtorit të Përgjithshëm të Doganave. Më pas kjo VKM ndryshohet dhe sot kriteret për të regjistruar një Agjenci Doganore janë më të lehtësuara por gjithmonë duhet të paraqitet një garanci e cila është në vlerën 10.000.000 lekë për garanci bankare dhe 40.000.000 për garanci nga kompanitë e sigurimit. Pra që të kuptohet më qartë fillimisht do duhet që të licensohesh si Agjent Doganor duke kaluar dhe një testim e deri këtu kushërira e Olta Xhackës sigurisht që do miratohej nga Elisa Spiropali. Më pas agjentët mund të bashkohen për tu regjistruar si Agjenci Doganore. POR do duhet të depozitonin një garanci në vlerën 500.000 euro. Ku i gjetën këto para Andi Muhametaj dhe Jona Dushku të dy 25 vjeçar në momentin e regjistrimit të kompanisë? Kjo është një pikëpyetje, që duhet të shqetësojë më së shumti institucionet e drejtësisë e SPAK, për të mos lejuar abuzime në një prej sektorëve që vënë në rrezik edhe sigurinë kombëtare.
- Kompanitë e fëmijëve të Monika Dushkut dhe lidhjet me ‘nëntokën’
Pra ligjërisht, Monika Dushku ka përgjegjësi penale, për urdhërimin e vartësve që të godasin median dhe fjalën e lirë, por moralisht, duket se i detyrohet shumë Belinda Ballukut. Por a janë këto të vetmet përfitime të zv. drejtoreshës së Doganave Monika Dushku? Në vijim, do të shikoni se faktet janë të rënda, madje nuk mbeten vetëm korruptive, por me dyshime të forta edhe për fije kriminale.
Duke vazhduar investigimin, PLUG zbuloi se Jona Dushku ishte gjithashtu aksionere në dy kompani të reja që janë themeluar në vitet e fundit. Në tetor të vitit 2023, ajo themeloi Elite Finance & Consulting, me aktivitete që përfshijnë shërbime financiare dhe doganore, ndërsa pak muaj më vonë, themeloi Elite Management, me të njëjtin objekt aktiviteti.
Sipas aktit të themelimit aksionerë të ELITE FINANCE & CONSULTING.
Janë Kevin Bilali 33.4 %, Jona Dushku 33.3 % dhe Eneo Kasa 33.3 %. Kjo kompani ka si objekt aktiviteti :
Shërbime financiare.
Shërbime të spedicioneve e detare.
Shërbime të ndryshme konsulence.
Import dhe eksport mallrash brenda dhe jashtë vendit.
Shitja e pasurive të paluajtshme, dhënia me qira e pasurive të paluajtshme dhe/ose pajisjeve/ makinerive të punës dhe të tjera. Transport i mallrave dhe udhëtarëve brenda dhe jashtë vendit.
Në lidhje me këto kompani, një tjetër person që tërheq vëmendjen është Kevin Bilali. Ai është aksioner i dy kompanive të reja së bashku me Jona Dushkun, dhe ka një prapavijë interesante. Kevin Bilali sipas të dhënave të vitit 2021 rezulton i punësuar si menaxher pranë kompanisë Rajan 2007 shpk dhe si roje pranë kompanisë Lura Security. Është e habitshme sesi ky shtetas nga roje në një kompani sigurimi vendos të themelojë një kompani me Jona Dushkun vajzën e Zv. Drejtoreshës së Përgjithshme të Doganave dhe motrën e Drejtoreshës së Kabinetit të Ministres Belinda Balluku ndaj investiguam edhe më tej.
Kevin Bilali është djali i Nazmi dhe Aida Bilali. Nazmi Bilali rezulton se punon si doganier pranë Doganës Kapshticë kurse Aida Bilali rezulton e punësuar pranë Ujësjellës Kanalizime Durrës. Pra në këtë biznes i cili lidhet me shërbime doganore dhe fiskale janë bërë bashkë fëmijët e dy punonjësve të Administratës Doganore.
Në shtator të vitit 2024 themelohet kompania tjetër ELITE MANAGEMENT.
Sipas Aktit të Themelimit aksioner në këtë kompani janë shtetasit Kevin Bilali 33.4 %, Jona Dushku 33.3 % dhe Eneo Kasa 33.3 %. Kjo kompani ka të njëjtin objekt aktiviteti si kompania e parë por ndryshon vetëm adresa. Për asnjë nga këto kompani nuk ka të dhëna pasi ELITE FINANCE & CONSULTING nuk ka depozituar bilancin e vitit 2023 në QKB.
Pra besoj ishim të qartë nga sa ju treguam, por ju ngritëm edhe disa pikëpyetje që nuk ua sqarojmë dot ne, por organet e drejtësisë. A janë kapur doganat nga një rrjet mes krimit- korrupsionit dhe Politikes? A po bën biznes motra e drejtoreshës së Belinda Ballukut, dhe vajza e zv. drejtoreshës së Doganës me prestanome, pas të cilëve fshihen personazhe të fortë të botës së krimit? A po zbatohet për këto zgjedhje i njëjti skenar siç në 2021, ku OFL u përdor për t’i bërë presion bandave që të grumbullonin vota për Partinë Socialiste? Këto pikëpyetje marrin përgjigje, vetëm nga Task Forca pranë SPAK, që shpresojmë se mund të zgjohet nga gjumi!/ Emisioni “PLUG”
