Është gjetur e vrarë 22-vjeçarja shqiptare Iliaria Sula, e cila rezulton e zhdukur që prej 25 Marsit në Romë të Italisë.
Mediat vendase raportojnë se trupi i pajetë i të resë është zbuluar mëngjesin e sotëm në një zonë të pyllëzuar pranë komunës së Polit, në periferi të kryeqytetit italian. Viktima ishte futur brenda një valixheje dhe ishte hedhur në fund të një gremine.
Ilaria, jetonte në lagjen Furio Camillo të Romës, ku ndante një apartament me disa shoqe. E reja shqiptare studionte statistika në Universitetin Sapienza.
Mbrëmjen e zhdukjes, ajo kishte shkëmbyer disa mesazhe në WhatsApp me shoqet e saj, të cilat u shqetësuan kur ajo nuk u kthye në shtëpi. Që nga ai moment, telefoni i saj mbeti i fikur.
Në mbrëmjen e zhdukjes së saj, Ilaria me sa duket ishte larguar nga shtëpia me nxitim për të takuar dikë. Prindërit e saj, të cilët jetojnë në Terni, raportuan se ajo nuk kishte marrë asgjë me vete, por se celulari i saj punonte dhe se dikush i ishte përgjigjur mesazheve të saj.
22-vjeçarja shqiptare u zhduk pas ndarjes nga i dashuri i saj, një shtetas nga Filipinet, i cili është shoqëruar në komisariat, pasi është i dyshuari kryesor për ngjarjen kriminale. Ishte pikërisht, ish i dashuri, personi me të cilin Ilaria po shkëmbente mesazhe ditën e zhdukjes. Në banesën e shtetasit filipinas u ushtrua kontroll mbrëmjen e djeshme,
Autoritetet italiane po punojnë intensivisht për zbardhjen e plotë të ngjarjes dhe arrestimin e autorit ose autorëve.