Një aksident me vdekje është regjistruar mbrëmjen e djeshme, rreth orës 21.40, në aksin rrugor Burrel-Komsi.
Autoritetet policore raportojnë se shtetasi E.B., rreth 41 vjeç, duke drejtuar një motor, dyshohet se ka humbur kontrollin mbi drejtimin e tij dhe motori ka dalë nga rruga.
Si pasojë e aksidentit, 41-vjeçari ka mbetur i plagosur dhe është dërguar me urgjencë në spital, por nuk ka arritur dot t’u mbijetojë plagëve të marra dhe ka ndërruar jetë.
Policia thotë se grupi hetimor në drejtimin e Prokurorisë, po punon për zbardhjen e shkaqeve dhe rrethanave të aksidentit.