Skënderbeu ka arritur të marrë 3 pikë të arta në luftën për mbijetesë, pasi këtë të dielë ka arritur të fitojë në shtëpi kundër Dinamos me rezultatin 4-1 në ndeshjen e vlefshme për javën e 32 të Kategorisë Superiore.
Fraksioni i parë i lojës u mbyll në avantazhin e Diamos, i cili i zhbllokoi shifrat që në minutën e ‘9 të takimit me anë të Qardakut dhe duket se më pas “nëndetësja blu” nuk u pa më në fushë. Gjithsesi, pavarsisht tentativave nga korçarët, rezultati mbeti i pandryshuar në pjesën e parë.
Ndërkohë, me nisjen e pjesës së dytë, Skënderbeu gjeti menjëherë golin e avantazhit me Yuri Merlin, por goli u anualua për pozicion jashtë loje të Nasr. Ndërkohë, pak minuta më pas, Bismark arriti të fitonte një penallti, e cila u shndërrua në gol nga Ardit Nikaj dhe barazoi rezultatin
Më pas ishte radha e Saleh Nasr, i cili arriti të realizonte tripletë në minutat e 61′, 69′, 80′ dhe takimit, pas asisteve nga Doka, Bismar dhe Luquinhas.
Dinamo në këtë ndeshje vinte me shume munges, ku në formacionin bazë u aktivizua dhe disa lojtarë nga ekipi U-19. Kjo duket si një “kthim nderi” nga ana e Dinamos për Skënderbeun, pas asaj përmbysje të bujshme në kupë.
Pas këtij rezultati, momentalisht Skënderbeu del nga zona e ftohtë dhe shkon në kuotën e 33 pikëve, po aq sa Laçi, Teuta dhe Bylisi, teksa Dinamo ngelet në vendin e dytë me 54 pikë.
