Pas dy huazimeve rresht tek Zaragoza dhe Alaves, Atletico Madrid vendosi të mbante këtë sezon Giuliano Simeone-n në ekipin e parë. 22-vjeçari ka shënuar 4 gola dhe ka dhënë 7 asiste në 37 ndeshje këtë sezon në të gjitha kompeticionet.
Paraqitjet e tij me “Colchoneros” nuk kanë kaluar pa u vënë re nga ekipet e tjera, Chelsea duket klubi më i interesuar për sulmuesin e ri argjentinas.
Mediat angleze raportojnë se “Blutë” janë të gatshëm të paguajnë 35 milionë euro për argjentinasin. Një shifër e konsiderueshme, e cila i ka vënë në mëdyshje drejtuesit e Atletico-s.
Sipas asaj që raportohet nga mediat, Diego Simeone nuk dëshiron të largojë të birin dhe ka besim të plotë, që ai mund të jetë një lojtar titullar dhe shumë i rëndësishëm për Atletico-n.
Në anën tjetër, drejtuesit e Atletico-s mendojnë se oferta e Chelsea-s është e kënaqshme dhe duhet të nisin bisedimet për të finalizuar marrëveshjen.
