Bayern Munich ka fituar 3-2 ndaj St.Pauli në “Allianz Arena” në ndeshjen e vlefshme për javën e 27-të në Bundesligë. Bavarezët shënuan të parët në minutën e 16-të, ku Jamal Musiala përfiton nga një gabim fatal i miqve, Michael Olise asiston bukur për Harry Kane dhe anglezi dërgon topin në rrjetë.
Ky është një gol me rëndësi të veçnatë për Kane, pasi St.Pauli ishte ekipi i vetëm që anglezi nuk i kishte shënuar dot që kur u transferua te Bayern. Harry Kane tani ka shënuar kundër të gjitha 19 skuadrave të Bundesligës me të cilat është përballur me Bayernin deri më tani.
Miqtë barazuan shifrat në minutën e 25-të me Elias Saad, i cili konkretizoi me gol një aksion të gjatë të miqve.
Në fillim të pjesës së dytë, bavarezët gjetën golin e avantazhit me Leroy Sane, i cili shënoi pas një topi të bukur të marrë nga Olise, asisti i dytë për francezin sot.
Goli i tretë erdhi në minutën e 70-të sërish me Leroy Sane. Në fund të ndeshjes, St. Pauli shënoi dhe golin e dytë. Me këtë fitore, Bayern e çon sërish në 6 pikë diferencën me Leverkusen.
REZULTATET
