Presidenti ukrainas Volodymyr Zelensky ka dhënë detaje për marrëveshjen e mineraleve presidentin e SHBA-ve Donald Trump, ku ka zbuluar nëse ai do të rikthehej në SHBA për ta nënshkruar atë.
Kujtojmë se një përplasje famëkeqe e Zelenskyt ndodhi në Shtëpinë e Bardhë me Presidentin Trump dhe zëvendëspresidentin e tij JD Vance, disa orë përpara se marrëveshja të nënshkruhej. Zelenskyy u largua nga Shtëpia e Bardhë pas përplasjeve.
“Unë nuk do të shkoj në Uashington sepse nuk ka asnjë çështje në rendin e ditës,” tha Zelensky teksa u pyet sot.
Për vetë marrëveshjen, ai thotë se “ne kemi shumë nga këto marrëveshje për mineralet” dhe se SHBA do të dërgojë një draft përfundimtar më vonë.
Ai gjithashtu thotë se Uashingtoni po ndryshon “vazhdimisht” kushtet e marrëveshjes.
Zelensky tha se dëshiron t’i tregojë publikut amerikan se dëshiron një marrëdhënie të mirë me Uashingtonin.
“Por nuk do të doja të largohesha nga Shtetet e Bashkuara me ndjenjën se Ukraina është kundër tyre në përgjithësi, sepse ne kemi treguar vazhdimisht [se po dërgojmë] sinjale pozitive“, shtoi Zelensky.
“Ne jemi pro bashkëpunimit me Shtetet e Bashkuara të Amerikës”, përfundoi Presidenti ukrainas.
