Artim Polozhani është zyrtarisht trajner i Flamurtarit. Në stafin teknik vazhdojnë Andi Ribaj dhe Lejdi Licaj në detyrën e zëvendës trajnerit.
Gjithashtu në stafin teknik qëndrojnë edhe Luan Birçe dhe Erion Dine në detyrën e trajnerëve të portierëve.
Polozhani ka punuar me Ilir Dajën te Partizani dhe Ballkani si ndihmës trajner i teknikut kryeqytetas. Me largimin e Dajës te Dinamo në 2024, Polozhani u emërua trajner i parë i Ballkanit.
Kujtojmë që ditën e djeshme klubi vlonjat shkarkoi Andrea Agostinellin, vendim që erdhi fill pas humbjes 2-1 ndaj Pogradecit.
Flamurtari mban vendin e dytë në Kategorinë e Parë dhe është pranë rikthimit në Superligë.
