Një ngjarje e rëndë është regjistruar mbrëmjen e djeshme në Prishtinë. Dy persona mbetën të plagosur pas të shtënace me armë zjarri.
Ngjarja ndodhi rreth orës 22:30 në rrugën “Rrustem Hyseni” në Prishtinë.
Fatkeqësisht njëri nga të plagosurit nuk ka mundur t’iu mbijetojë plagëve dhe ka ndërruar jetë.
“Njëri ka vdekur, ndërsa tjetri është duke u reanimuar në reaminacion. Për momentin është në gjendje stabile dhe janë duke u kryer ekzaminimet e tjera të nevojshme”, kanë deklaruar autoritetet spitalore.
I dyshuari për rastin, Alban Gashi, është shpallur në kërkim nga policia.
Viktima raportohet se është 62-vjeçari, Naser Gashi. Përveç plagëve me armë dyshohet se ai kishte edhe një therje me thikë në gjoks.
I plagosuri Miftar Miftari ndodhet në spital ku po merr ndihmë mjekësore.
