Zëvendëspresidenti i SHBA-së, JD Vance, ka thënë se do të vizitojë Grenlandën të premten duke shoqëruar një delegacion të profilit të lartë të SHBA-së në territorin që presidenti i SHBA-së, Donald Trump thotë se Uashingtoni duhet ta marrë nën kontroll.
“Mezi pres të vizitoj Grenlandën të premten”, ka shkruar Vance në një postim në X.
Trumpi ka thënë vazhdimisht se ishulli i madh është i rëndësishëm për sigurinë kombëtare të SHBA-së.
Mirëpo qeveritë e Grenlandës dhe Danimarkës kanë shprehur kundërshtime ndaj çdo marrjeje të kontrollit nga SHBA-ja. Sondazhet kanë treguar se pothuajse të gjithë grenlandezët kundërshtojnë bashkimin me Shtetet e Bashkuara.
Looking forward to visiting Greenland on Friday! pic.twitter.com/p3HslD3hhP
— JD Vance (@JDVance) March 25, 2025
