Braziliani Robinho po bën një jetë ndryshe nga ajo që ka bërë në të kaluarën. Ish-sulmuesi i njohur ndodhet në burg në Sao Paolo, pasi është dënuar me 9 vite, pasi mori pjesë në përdhunimin e një vajze shqiptare në grup në Itali, në vitin 2013.
“Marca” ka zbuluar përditshmërinë dhe lëvizjen e 41-vjeçarit për të ulur dënimin. Robinho po bën gjithçka për të treguar sjellje të mirë, ndërsa prej disa muajsh ai punon me riparimin e televizorëve dhe radiove.
Këtë punë ai e bën për disa orë çdo ditë, pasi sipas ligjit, 12 orë punë e zvogëlojnë dënimin me një ditë. Robinho nuk e harron futbollin, pasi herë pas here argëton të burgosurit e tjerë duke dhuruar spektakël me topin.
Nga Marsi i vitit ta kaluar, Robinho numëron 600 orë punë në riparimin e televizorëve, radiove dhe pajisjeve të tjera elektronike.
