Fitorja e Shqipërisë 3 me 0 ndaj Andorrës ishte mëse e merituar dhe ka rritur optimizmi në kampin kuqezi.
Tekniku i Kombëtares Shqiptare, Silvinjo, në një intervistë për Tv Klan pas ndeshjes, u shpreh i lumtur me fitoren. Sipas tij, kjo erdhi si rezultat i ndryshimit të disa skemave të lojës.
Në ndeshjen ndaj Andorrës, Broja ishte vendosur në krahun e djathtë. Por a ishte vendosje vetëm për sonte apo do të ta shikojmë sërish në këtë pozicion.
“Të dyja opsionet. Ai mund të jetë i rrezikshëm për kundërshtarët. Varet nga karakteristikat e lojtarit. Ai i jep thellësi lojës, ka aftësinë të luajë kudo në sulm”, u shpreh Silvinjo.
Sa i përket lojës në zonën e tretë, tekniku tha se mund të bëhej edhe më mirë, megjithatë kuqezinjtë bënë detyrën.
“Shehu ka bërë ndeshje shumë të mirë në rishpërndarjen e topit. Andorra luante mirë në mbrojtje. Mendoj që kemi arritur shumë mirë edhe me disa pasime të mira të Hoxhës për të krijuar disa aksione”.
