Është zbardhur dëshmia e dhënë në Polici e dy të rinjëve Enea Korreshi (17 vjeç) dhe Irgi Nasufi (20 vjeç), të ciklët akuzohen se ditën e enjte (20 mars) në Lushnjë kanë dhunuar 43-vjeçarin Fabjol Hysi, i cili nuk flet dhe nuk dëgjon.
Burime për mediat bëjnë me dije se Korreshi dhe Nasufi kanë pranuar fajin, duke treguar dhe se si ka ndodhur ngjarja.
Sipas dy të rinjëve, mbrëmjen e 20 marsit ata janë shkëmbyer me 43-vjeçarin, të cilin e njihnin më parë. Ata kanë deklaruar se fillimisht kanë bërë shaka me Fabjol Hysin, por ky i fundit më pas i ka ofenduar dhe në atë moment, e kanë goditur me grushte.
Familjarët e 43-vjeçarit pretendojnë se ai është goditur edhe me gur në kokë, duke i shkaktuar dëmtime në kafkë, por sipas të rinjëve, për shkak te dhunës Fabjol Cani ka përplasur kokën në një cep muri, çka i ka sjellë edhe dëmtimin e rëndë.
Policia e Lushnjes ka sekuestruar kamerat e sigurisë në zonë, për të zbardhur dinamikën e plotë të ngjarjes, ndërsa Gjykata e Fierit caktoi masën e sigurisë “arrest në burg” për 20-vjeçarin Irgi Nasufi dhe “detyrim paraqitjeje” për 17-vjeçarin Enea Korreshi.
Fabjol Hysi, me aftësi te kufizuara (shurdh-memec), vijon të jetë i shtruar ne spitalin e Traumës në Tiranë pas goditjes që ai mori në kokë nga dy persona më datë 20mars. Deri më tani ai është gjendje stabël, por vijon të jetë nën kontrollin intensiv të mjekëve.
