Ndeshja me Anglinë është lënë pas dhe tani është radha e sfidës me Andorrën që duhet fituar me çdo kusht. Kapiteni Berat Gjimshiti tha në një intervistë për TV Klan se kësaj here është Shqipëria që duhet të gjejë hapësira për të shënuar.
“Andorra është një ekip fizik që rri poshtë një ekip që mbyllet shumë do të jetë e vështirë që të gjesh hapësira. Duhet të kemi kujdes kundërsulmin e tyre dhe të jemi të zotë në fazën mbrojtëse dhe atë sulmuese ka rëndësi ta fitojmë ndeshjen dhe me sa gola nuk ka shumë rëndësi”, tha Gjimshiti.
Përfaqësuesja e Andorrës drejtohet prej gati 15 vitesh nga Koldo Alvarez dhe tani po jep rezultate të kënaqshme për nivelin që ka futbolli në këtë vend. Gjimshiti tregon se si mund të arrihet suksesi ndaj Andorrës.
“Cilësitë e ekipit dhe ai individual, duhen lojtarë cilësorë që të ikin një kundër një dhe të hapin fushën dhe të shënojmë”, tha Gjimshiti.
