Seriali i Netflix për një vrasës 13-vjeçar ka shqetësuar parlamenti britanik ku deputetët i kanë bërëë thirrje autorëve për të diskutuar sigurinë në internet në një seancë plenare të këtij parlamenti.
Josh McAllister, një deputet laburist, ka kontaktuar me përfaqësuesit e aktorit Stephen Graham dhe bashkë-shkrimtarit Jack Thorne për mundësinë e një takimi.
Deputetët duan të diskutojnë për çështjet e ngritura në serialin, i cili fokusohet tek një djalë 13-vjeçar i cili arrestohet për vrasjen e një vajze të re.
“Filmin “Adoleshenca” e shikojmë në shtëpi me fëmijët tanë, kam një djalë 16 vjeç dhe një vajzë 14 vjeç”, tha fillimisht Keir Starmer.
Më tej ai shtoi se “kjo dhunë e kryer nga të rinjtë, e ndikuar nga ajo që ata shohin në internet, është një problem real, është e neveritshme. Dhe ne duhet të merremi me të. Ne po vendosim specialistë të përdhunimit dhe sulmeve seksuale në çdo forcë policie që punon në thirrjet e urgjencës. Por kjo është gjithashtu një çështje kulturore dhe besoj se është e rëndësishme që e gjithë Dhoma të trajtojë këtë problem në zhvillim dhe në rritje”, tha kryeministri britanik.
“Adoleshenca” e Stephen Graham thyen rekordet e Netflix-t, çfarë trajton ajo
“Adoleshenca” në javën e parë të premierës në Netflix nga 10 mars deri më 16 mars ka marrë rekord klikimesh, specifikisht 24.3 milionë shikime mbresëlënëse. Ky është një sukses i madh për një dramë të vogël nga Britania e Madhe me një temë kaq serioze, si ajo e vrasjes së një bashkëmoshatareje nga një 13-vjeçar.
Konkurrenca më e afërt e këtij seriali të limituar ishte Running Point, i Kate Hudson, i cili mblodhi gjashtë milionë shikime dhe Dita Zero e Robert De Niros, e cila arriti në 4.4 milionë.
Fakti që “Adoleshenca” ka arritur kaq shumë shikues në një kohë kaq e shkurtër, duket si një fitore e vërtetë për Graham, i cili jo vetëm luan në shfaqje babain e 13-vjeçarit që akuzohet për një vrasje, por edhe bashkë-shkruan dhe është producent ekzekutiv i serialit.
Në fakt, i gjithë projekti buroi nga një ide që ai kishte pasi lexoi një artikull për epideminë e krimit me thikë mes të rinjve në Britaninë e Madhe.
“Ideja filloi kur lexova një artikull në lidhje me një djalë të ri që kishte therur me thikë një vajzë të re dhe thjesht, më bëri të ndihem akull”, i tha Graham, Chris Moyles në Radio X.
“Dhe pastaj disa muaj më vonë, lexova një artikull tjetër në lajme dhe bëhej fjalë për një djalë që sërish kishte therur me thikë një vajzë të re. Më lënduan zemrën. Këto dy incidente ishin në skajet e kundërta të vendit. Unë thjesht mendova: Pse? Pse po ndodh kjo? Jo vetëm sepse jam baba, por sepse çdo qenie njerëzore me një grimë morali mund ta shikojnë atë lloj situate dhe të mendojnë, ‘Çfarë po ndodh? Çfarë po ndodh sot me shoqërinë brenda së cilës jemi?”
