Një sulm ajror izraelit vrau një anëtar të lartë të byrosë politike të Hamasit në Khan Younis, në jug të Gazës. Këtë e raporton agjencia e lajmeve Reuters, duke cituar burime palestineze.
Mediat pro-Hamasit thonë se një sulm ajror vrau Salah al-Bardaweel. Në sulm vdiq edhe gruaja e tij. Më shumë liderë të Hamasit thuhet se janë ndër viktimat e sulmeve të rifilluara të Izraelit në Gaza.
Ndërkohë, Ushtria izraelite u ka bërë thirrje banorëve që të largohen nga një lagje e Rafah, në jug të Gazës, me gjasë në pritje të një sulmi.
Sakaq, dy protestues u arrestuan në Jerusalem pas përleshjeve gjatë një demonstrate ku u kërkua lirimi i pengjeve jashtë rezidencës së kryeministrit Benjamin Netanyahu.
