Një banesë është përfshirë nga zjarri mesditën e kësaj të shtune në fshatin Gajush të Lezhës, duke pësuar dëme të konsiderueshem materiale.
Nga informacionet paraprake mësohet se banesa është në pronësi të Pjetër Gjonajt dhe në momentin e zjarrit brenda shtëpisë kanë qenë çifti i bashkëshortëve të moshuar dhe një fëmijë. Ata kanë pësuar probleme shëndetësorë dhe janë dërguar për ndihmë mjekësore në spital.
Një zjarrfikëse ka ndërhyrë për vënien nën kontroll të flakëve dhe ka shmangur përhapjen e mëtejshme të zjarrit. Ende nuk dihet shkaku i rënies së zjarrit, teksa Policia ndodhet në vendin e ngjarjes.
