Ndërsa fokusi i shoqërisë është përqendruar te bullizmi që zhvillohet mes adoleshentëve nëpërmjet rrjeteve sociale, një tjetër problematikë me rrjetet sociale është edhe një formë ndryshe abuzimi nga moshat e mesme, 40-50 vjeç.
Çdo ditë në policinë e Fierit regjistrohen denoncime jo vetëm për problematikat që vijnë nga adoleshentët të fshehur pas rrjeteve sociale, por edhe nga moshat 40-50 vjeç.
Sipas psikologes, edhe kjo grupmoshë, njësoj si adoleshentët, ka nevojë për më shumë informim dhe ndërgjegjësim. Nga ana tjetër, për këto lloj veprash, edhe pse legjislacioni parashikon dënime, sipas avokatëve, ato janë të pamjaftueshme për të ndalur abuzimin nëpërmjet rrjeteve sociale.
Ajo që vihet re është se tashmë raporti mes atyre që abuzojnë me rrjetet sociale dhe të ashtuquajturve viktima mes meshkujve dhe femrave është thuajse i njëjtë, pasi tani ka mjaft raste kur edhe femrat janë abuzuese ndaj meshkujve në rrjetet sociale./ A2CNN
