Kombëtarja shqiptare do të luajë dy ndeshje mjaft të rëndësishme pas disa ditësh. Fillimisht kuqezinjtë do të sfidojnë Anglinë në “Wembley” më 21 mars, ndërsa vetëm 3 ditë më pas do të presin në Tiranë ekipin e Andorrës.
Duele këto shumë delikate dhe të rëndësishme për rrugëtimin e ekipit tonë në kualifikueset e Kupës së Botës 2026. Pikërisht ditën e sotme Silvinho me kuqezinjtë kanë zbritur në fushë në “Shtëpinë e Futbollit” për të nisur edhe zyrtarisht përgatitjet për “misionin” e Botërorit.
Grupi nuk ka qenë i plotë, pasi disa futbollistë ditën e djeshme kanë luajtur me skuadrat e tyre dhe vetëm ditët në vazhdim do t’u bashkohen kuqezinjve.
Gjithsesi disa nga yjet e ekipit kuqezi janë parë fushë si. Ismajli, Ramadani, Asllani, Broja dhe Qazim Laçi. Sfida e parë me Anglinë do të luhet më 21 mars, prej orës 20:45. Sfida e dytë është kundër Andorrës në shtëpi, më 25 mars gjithashtu duke filluar prej orës 20:45.
