Policia e Kufirit dhe Migracionit në Kukës ka arrestuar, i cili ka tentuar të fusë rreth 1.2 ton naftë kontrabandë në Shqipëri nëpërmjet kufirit me Kosovën.
Në pranga është vënë shtetasi V. S., 39 vjeç, banues në Kolesian të Kukës. Raqportohet se ai është ndaluar nga uniformat blu, teksa po udhëtonte me fugon në rrugën rurale Pakisht-Kukës dhe nga kontrolli i ushtruar në mjet është gjetur rreth 1.2 ton naftë.
Dyshohet se karburantin e kishte futur kontrabandë nëpërmjet Pakishtit, jashtë pikave të kalimit kufitar dhe shërbimeve doganore, duke iu shmangur kontrollit kufitar dhe doganor.
Sasia e naftës është sekuestruar në cilësinë e provës materiale, ndërsa mbi 39-vjeçarin rëndojnë akuzat për veprat penale “Kontrabandë me mallra që paguhet akcizë” dhe “Kalim i paligjshëm i kufirit shtetëror”.
