Kur mendon se ke parë gjithçka në futboll, gjithmonë ka diçka që të zhgënjen. Gjithçka filloi me lajmin publik për vdekjen e Petko Ganchev, ish-lojtar i Arda Kardzhali. klubi reagoi shpejt… por gabim.
Pa verifikuar saktësinë e informacionit, organizatorët vendosën t’i bëjnë një homazh me një minutë heshtje para fillimit të ndeshjes me Levski Sofia-n.
Lojtarët qëndruan në heshtje, gjyqtari e dha sinjalin për fillimin e ndeshjes dhe në tribunë shpërtheu konfuzioni.
Problemi ndodhi kur vetë Gancev mori vesh për homazhin. I shokuar, ai kontaktoi klubin, i cili reagoi shpejt me një komunikatë zyrtare.
“Të nderuar gazetarë dhe tifozë, drejtoria e klubit i kërkon ndjesë të thellë ish-lojtarit tonë, Petko Gancev, dhe familjes e tij, pas një informacioni të gabuar që morëm për vdekjen e tij. I dëshirojmë Petkos shumë vite të tjera jetë dhe shpresojmë që të mund të festojë sukseset e Arda-s,” shkroi klubi.
Përfundimisht, ndeshja përfundoi me barazim. /The Sun
