Dhimbja në njërën apo në të dyja anët a kokës shpesh mund të jetë simptomë e migrenës.
Por kur dhimbje kalon nga një shtrëngim thumbues e pulsues në tempuj në një dhimbje të vazhdueshme, atëherë kjo mund të tregojë praninë e arteritit temporal.
Arteriti temporal ndodh si pasojë e inflamacionit të arterieve dhe të qafës.
Ajo shfaqet jo vetëm me dhimbje muskulare por edhe dhimbje të asaj ane të kokës. Simptoma të tjera mund të jenë lodhja, mungesa e oreksit, rënia nga pesha, dhimbje të nofullës, temperaturë e ulët dhe acarim të skalpit.
Kjo sëmundje që dhemb shumë është dyfish më e përhapur tek gratë se tek burrat dhe zakonisht shfaqet pas të pesëdhjetave.
Njerëzit që vuajnë nga arteriti temporal e përshkruajnë dhimbjen si shumë të fortë, pulsuese dhe përcëlluese në njërën anë të kokës.
Shkaqet dhe pasojat e arteritit temporal
Mjekët nuk e dinë akoma se çfarë e shkakton në mënyrë të mirëfilltë këtë problem por argumentojnë se mund të ketë të bëjë me një reagim imunitar që angazhon antitrupat në sulmin e rruazave të bardha.
Kjo shkakton enjtje dhe ngushtim të enëve të prekura të gjakut duke pakësuar ndjeshëm qarkullimin e tij.
Nëse ky problem prek arterien që është përgjegjëse për retinënë, njeriu mund të humbasë edhe shikimin.
Nëse ky problem prek trurin, ishemia është e mundshme.
Megjithatë, nëse kjo sëmundje diagnostikohet dhe trajtohet herët, ajo reagon shumë mirë ndaj medikamenteve që japin mjekët.
Diagnoza bëhet nëpërmjet biopsisë dhe trajtimi mund të jetë afatgjatë nëpërmjet steroidëve.
Këto medikamente duhen marrë deri sa të gjitha simptomat të zhduken dhe rezultatet e analizave të jenë normale.
Dhimbja e kokës si pasojë e arteritit temporal mund të tingëllojë e ngjashme me atë të migrenës.
Por, ekspertët konfirmojnë se migrena ndryshon nga arteriti temporal. Ajo i bën njerëzit të ndjeshëm ndaj dritës dhe zhurmës e shoqërohet me të përziera e të vjella.
Dhimbja e migrenës mund të zgjasë për disa orë apo disa ditë ndryshe nga arteriti temporal.
