Policia ka arrestuar 18-vjeçarin me iniciale E. F., i cili mbrëmjen e djeshme në Maliq, përplasi për vdekje me motor, një këmbësor.
Policia bën me dije se 18-vjeçari po merr ndihmë mjekësore në Spitalin e Traumës.
“Në vijim të informacionit paraprak të dhënë mbrëmjen e djeshme, për aksidentin e ndodhur në aksin “Korçë-Pogradec”, bëjmë me dije se në vijim të veprimeve procedurale, specialistët e Sektorit të Qarkullimit Rrugor arrestuan në flagrancë shtetasin E. F., 18 vjeç, banues në Çaushli, Maliq, pasi dyshohet se duke drejtuar motomjetin, ka përplasur shtetasin A. S., 67 vjeç, banues në Velitërnë, këmbësor, i cili për pasojë humbi jetën.
18-vjeçari po merr ndihmë mjekësore në Spitalin e Traumës”, njofton policia.
