Policia në Dibër ka arrestuar një 35-vjeçar i cili ka goditur me grusht një punonjës policie në detyrë.
Në pranga u vu shtetasi E. Ç., 35 vjeç, banues në Peshkopi, pasi gjatë veprimeve procedurale për vënien e një mase administrative, për parkim të gabuar, ka goditur me grusht, një punonjës të Drejtorisë Vendore të Policisë Dibër.
Materialet procedurale iu referuan Prokurorisë pranë Gjykatës të Shkallës së Parë të Juridiksionit të Përgjithshëm Dibër, për veprime të mëtejshme.
