Një person ka pranuar trajtim mjekësor, pasi ai pas një mosmarrëveshje është sulmuar me thikë nga një person tjetër.
Sipas raportit 24 orësh të Policisë së Kosovës bëhet e ditur se ngjarja ka ndodhur të hënën rreth orës 12:45 në rrugën “Zahir Pajaziti”, në Podujevë.
Më tej, thuhet se si provë materiale është gjetur dhe konfiskuar një brisk.
“Viktima mashkull kosovar ka pranuar trajtim mjekësor pasi ai pas një mosmarrëveshje është sulmuar me thikë nga i dyshuari mashkull kosovar. Si provë materiale është gjetur dhe konfiskuar një brisk”, thuhet në raport.
Ndërkaq siç thuhet në raport i dyshuari është arrestuar dhe me vendim të prokurorit është dërguar në burg.
