Janë zbardhur emrat e 5 kandidatëve që garojnë për postin e kryetarit të Këshillit Drejtues të Radio Televizionit Shqiptar (RTSH), teksa në total janë 68 kandidatë për anëtarë të Këshillit me të cilët kanë nisur dhe dëgjesat në Komisionin e Medias.
Mes kandidatëve për postion e kreut të Këshillit Drejtues, dallohet emri i gazetarit Martin Leka njëkohësisht ish-nëndrejtor dhe ish-drejtor i komanduar i RTSH-së.
Në listë për të garuar për karrigen e kryetarit të Këshillit janë edhe emrat e: ish-zv.ministrit të Zhvillimit Urban dhe Turizmit Alfred Dalipi, piktorit Helidon Haliti, Thanas Goga dhe Fatjon Hoxhalli.
Ai që do të fitojë garën, do të zëvendësojë ish-kryetarin Leka Bungo. Këshilli Drejtues i RTSH-së me 11 anëtarë dhe kryetarin e tij u shkarkua nga Parlamenti pas shkeljeve të gjetura në procesin e konkurrimit për drejtor të RTSH-së.
Kandidatët për kryetar të Këshillit Drejtues:
-Martin Leka
-Alfred Dalipi
-Helidon Haliti
-Thanas Goga
-Fatjon Hoxhalli
