Denzel Dumfries me shumë mundësi po luan sezonin e fundit me Inter-in, holandezi pritet të ndryshojë destinacion në verë. 3 nga klubet e mëdha të Premier League e kanë vendosur holandezin në listën e tyre të transferimeve në merkaton e ardhshme.
Manchester United po kërkon të forcojë mbrojtjen pas një sezoni me ulje-ngritje. Ruben Amorim beson se holandezi do të ishte një konkurrent i madh për Diogo Dalot dhe do t’i jepte më shumë qëndrueshmëri krahut të djathtë, ku ka pasur jo pak probleme këtë sezon.
Arsenal është një tjetër klub që interesohet për holandezin. “Topçinjtë” e kanë forcuar shumë mbrojtjen, por transferimi i një anësori të djathtë të nivelit të lartë mbetet një prioritet për merkaton e verës. Po ashtu edhe klubi tjetër londinez, Chelsea, interesohet për Dumfries. “Blutë” e shohin holandezin shihet si një zgjidhje afatgjatë në krahun e djathtë.
Duke parë interesin e klubeve të Premier League, Intër është i gatshëm të heq dorë nga holandezi për një shifër te 50 milionë euro. Me shumën që do përfitohet nga shitja e Dumfries, mund të “plotësohen” kërkesat e Inzaghi-t për përforcimet e nevojshme për sezonin e ardhshëm.
