Një 24-vjeçar është arrestuar nga Policia në Berat, pasi dyshohet se shiste lëndën narkotike në lagje të ndryshme të qytetit.
Policia bën me dije se se bëhet fjalë për 24-vjeçarin Mateos Lamaj, i cili ra në pranga pasi gjatë kontrollit në banesën e tij, u sekuestruan dhjetra doza kanabis, një sasi kanabisi në formë boçeje, si dhe një shumë parash që dyshohet se janë përfituar nga shitja e lëndës narkotike.
Ai do të akuzohet për veprën penale “Prodhim dhe shitje narkotikësh”.
“Specialistët për Hetimin e Narkotikëve dhe Trafiqeve të Paligjshme nën drejtimin e Prokurorisë Berat, në vijim të veprimeve hetimore të kryera në kuadër të operacionit të koduar “Multiple”, bënë të mundur arrestimin në flagrancë të shtetasit M. L., 24 vjeç, banues në Berat, për veprën penale “Prodhimi dhe shitja e narkotikëve”.
Shërbimet e Policisë gjatë kontrollit fizik dhe në banesë i gjetën shtetasit L. M, lëndë narkotike cannabis në formë boçeje dhe të ndarë në doza, të cilën dyshohet se e shiste në lagje të ndryshme të qytetit të Beratit, 1 aparat celular, shuma monetare të cilat dyshohet se janë përfituar nga veprimtaria e kundërligjshme të shitjes së lëndëve narkotike“, thuhet në njoftim.
Materialet i kaluan Prokurorisë Berat, për veprime të mëtejshme.
