Sapo është mbyllur pjesa e parë në “San Siro” mes Inter-it dhe Monza-s, ndeshje e vlefshme për javën e 28-të në Serie A.
Miqtë shënuan fillimisht në minutën e 32-të pas një kundërsulmi perfekt, ku Dany Motta asiston mjaft bukur me finte për Birindelli dhe ky i fundit dërgon topin në rrjetë.
Në minutën e 43-të, Keita Balde shënon golin e dytë për miqtë, një realizim fantastik i ish-lojtarit të Inter-it që tani luan për Monza-n.
Në minutën e parë shtesë të pjesës së parë, Interi ngushtoi shifrat me golin e Arnautovic, i cili dërgoi topin me kokë në rrjetë pas pasimit po me kokë të Dumfries.
Pjesa e parë mbyllet 1-2 për miqtë. Në pjesën e dytë, Interi do të tentojë të bëjë përmbysjen e madhe, nëse nuk do që të humbë vendin e parë në tabelë.
