Ministrat e Jashtëm të Francës, Gjermanisë, Italisë dhe Britanisë thanë sot se mbështesin një plan arab për rindërtimin e Gazës, i cili do të kushtojë 53 miliardë dollarë dhe që do të shmangë zhvendosjen e mundshme të palestinezëve nga enklava.
“Plani tregon një rrugë realiste për rindërtimin e Gazës dhe premton, nëse zbatohet, një përmirësim të shpejtë dhe të qëndrueshëm të kushteve katastrofike të jetesës për palestinezët që jetojnë në Gaza”, thanë ministrat në një deklaratë të përbashkët.
Plani, i cili u hartua nga Egjipti dhe u miratua nga udhëheqësit arabë në fillim të këtij muaji, është hedhur poshtë nga presidenti i SHBA-së, Donald Trump.
