Presidenti i SHBA-së Donald Trump ka përgaditur një plan për ti dhënë fund luftës në Gaza.
Por Hamasi ka kërkuar ndyshime në disa pika të planit, me arsyen se ka të drejtë të kërkojë ndryshime në plan, ashtu siç ka bërë edhe pala izraelite.
Burime si brenda ashtu edhe pranë grupit terrorist thonë se Hamasi po shtyn për të ndryshuar klauzolat mbi çarmatimin dhe kohën e lirimit të pengjeve, të cilat janë kërkesat kryesore të Izraelit për t’i dhënë fund luftimeve.
“Zyrtarët e Hamasit duan ndryshime në klauzolat në planin e paqes të Presidentit të SHBA-së Donald Trump për Gazën, përfshirë çarmatimin”, ka thënë një burim palestinez.
Plani i Trump, i cili mbështetet nga Izraeli dhe ka bërë thirrje për armëpushim, lirimin e pengjeve nga Hamasi brenda 72 orëve, çarmatimin e organizatës terroriste islamike dhe një tërheqje graduale të Izraelit nga Gaza.
The times of Israel shkruan se udhëheqësit e Hamasit duan garanci ndërkombëtare për një tërheqje të plotë izraelite nga Rripi i Gazës dhe garanci se nuk do të bëhen përpjekje për vrasje brenda ose jashtë territorit.
“Deri më tani ka dy pikëpamje brenda Hamasit: e para mbështet miratimin pa kushte sepse gjëja e rëndësishme është të ketë një armëpushim të garantuar nga Trump, me kusht që ndërmjetësit të garantojnë zbatimin e planit nga Izraeli”, tha një burim.
