Pak minuta përpara nisjes së takimit Barcelona-Osasuna, klubi katalanas ka konfirmuar se ky takim do të pezullohet. Shkak është bërë ndarja nga jeta e njërit prej stafit të ekipit të Barcelonës.
Carles Minarro Garcia, mjeku i ekipit ka humbur jetën ditën e sotme pak çaste përpara nisjes së sfidës. Përpara se lojtarët të dilnin në fushën e lojës, kanë marrë këtë lajm tronditës.
Ishte vetë presidenti i klubit, Joan Laporta që ia ka komunikar këtë lajm tragjik lojtarëve të ekipit të tij. Ndeshja që ishte programuar të luhej sot, për fat të keq është shtyrë në një afat të pacaktuar.
Carles Minarro ishte 40 vjeç. Ai iu bashkua ekipit të parë të FC Barcelona këtë sezon nga skuadra e futsallit. Ai filloi të punojë në klub në vitin 2017 pas gjashtë vitesh si Doktor i Asociuar i Njësisë së Kujdesit Sportiv dhe Parandalues të Centre d’Alt Rendiment de Sant Cugat, pozicion që e kombinoi me atë të shefit të shërbimeve mjekësore në Centre d’Esports Sabadell (2014-16).
— FC Barcelona (@FCBarcelona) March 8, 2025
