Roma ka arritur të mposhtë Athletic Bilbaon në frymën e fundit me shifrat 2-1 në “Olimpico”. Inaki Williams realizoi fillimisht për miqtë, por Angelino barazoi gjithçka për verdhekuqtë dhe më pas Shomurodov përmbysi gjithçka në minutën e 94-t.
Ekipi tjetër italian, Lacio fitoi 1-2 ndaj Plzen në Çeki. Goli i Romagnolit ndezi festën laciale, në minutën e 18-të ndërsa Durosinmi mposhti Provedel për të barazuar shifrat.
Goli i fitores për Lacion u shënua në minutën e 98-të të kohës shtesë nga Gustav Isaksen.
Në takimet tjera, Bodo Glimt ka mposhtur Olympiacosin me rezultatin e pastër dhe bindës 3-0. Akti i dytë në Pire do të jetë një sfidë tepër e vështirë për skuadrën greke.
Eintracht Frankfurti ka arritur të triumfojë ndaj Ajaxit në transfertë me rezultatin 2-1 me përmbysje. Brobbey shënoi për ekipin nga Amsterdami në fillim të takimit, ndërsa Larsson barazoi pas pak minutash. Goli vendimtar i skuadrës gjermane u shënua nga Skhiri.
