Një aksident automobilistik është regjistruar mesditën e kësaj të mërkure në aksin rrugor Lezhë-Shkodër, në afërsi të fshatit Balldren.
Nga informacionet paraprake mësohet se në aksident janë përfshirë tre mjete, të cilat janë përplasur me njëra-tjetrën. Më konkretisht, një autobus i punonjësve italianë të kampit të emigrantëve të Gjadrit është përplasur me një kamionçinë dhe një makinë.
Si pasojë e aksidentit kanë mbetur të plagosur dy persona. Policia ndodhet në vendin e ngjarjes, teksa për shkak të aksidentit, trafiku në këtë segment rrugor u bllokua për rreth një orë, duke shkaktuar radhë të gjata automjetesh.
