Enkelejd Alibeaj ka njoftuar tërheqjen e tij nga rekursi për çështjen e vulës së Partisë Demokratike në Gjykatën e Lartë.
Alibeaj shprehet se vendimi është individual dhe se kur ai kishte depozituar rekursin, ndodhej në një pozicion tjetër si kryetar i komanduar i PD.
“Vendimi im është individual dhe nuk ndikon në synimet e personave të tjerë që mund të synojnë një gjë të tillë. Kemi krijuar një subjekt të ri politik, jemi regjistruar dhe jemi në koalicion” thekson ai.
Ai argumenton se, duke u angazhuar në një parti tjetër, nuk ka më interes të ligjshëm për të ndjekur procesin për logon dhe vulën e PD.
“Dikur kam qenë në një pozitë tjetër dhe sot nuk jam më,” thekson Alibeaj.
