Gjykata e Posaçme ditën e sotme ka marrë vendimin dhe ka lënë në fuqi masën “arrest në shtëpi” për avokatin Bardhi Koçi.
Avokati akuzohet nga SPAK për ushtrim të ndikimit të paligjshëm. Gjatë seancës avokati ka mohuar akuzat ndërsa është shprehur se kush korruptohet me 1 mijë euro.
“Kontrolli i banesës në të cilën nuk u gjet asnjë send kompromentues, është i paligjshëm, pasi ishte pa vendim gjykate. Duhet të provoni faktin se cili gjyqtar apo prokuror mund të jetë korruptuar me 1000 euro. Kush korruptohet me kaq para?”, tha ai.
Sipas SPAK, avokati i ka kërkuar Pranvera Meshit para për të ndikuar në vendimmarrjet e funksionarëve të drejtesisë lidhur me çështjen në ngarkim të saj. Më tej bëhet me dije se Koçi ka kërkuar Meshit një shumë paraprake prej 1000 euro me qëllim ndikimin në vendimmarrjen e gjyqtarit të çështjes.
Pas seances gjyqësore, ai ka kërkuar shumën e parave Meshit e cila më pas ia ka dërguar me ëester Union. Policia gjyqësore nuk ka gjetur prova se avokati ka komunikuar me funksionarët e drejtësisë para zhvillimit të seancës apo të bisedojë lidhur me komunikime të mundshme që ka patur me funksionarë të drejtësisë.
