Robert Lewandowski tashmë ka kontratë deri në vitin 2026 te Barcelona, por kjo nuk do të thotë se katalanasit nuk po mendojnë për një pasues të tij.
Polaku është në perëndim të karrierës dhe nuk po e përballon ritmin e sezonit. Deco po punon me disa pista, duke qenë se do të jetë mision i vështirë blerja e një qendërsulmuesi kalibri.
Suedezi Alexander Isak është opsioni më i mundshëm për Barcelonën. Me eksperiencë të mëparshme në La Liga (Real Sociedad), 25-vjeçari po kalon formë të shkëlqyer këtë sezon me 19 gola në Premier League.
Për të nevojiten 100 mln euro dhe Barcelona po përgatitet të bëjë disa sakrifica për të arritur te shtatlarti i Newcastle United.
Opsioni i dytë është Gyokeres, nëse ai nuk zgjedh të bashkohet me ish-trajnerin e tij Amorim te Manchester United.
