Djanë të reja zbardhur për grupin kriminal që u godit nga SPAK, gjatë operacionit të kryer në bashkëpunim me policinë e Shtetit, ku rezultojnë të përfshirë në trafikun e drogës, 4 shefa të komisariateve të policisë.
Grupi drejtohej nga Kristo Qirici, vëllai i Edmond Papës që u ekzekutua në Tiranë.
Grupi ‘Papa’ është në përplasje të forta me grupin e Aleksandër Sadikaj i ekzekutuar në afërsi të rreth rrotullimit të Saukut me eksploziv dhe Adriatik Kalemit.
Ndërkohë Xhino Nebi që SPAK thotë se, më datë 17.09.2020 në qytetin e Sarandës, ka qarkulluar me një makinë në përdorim të tij, duke mbajtur pa leje një armë zjarri, është shtetasi nën hetim, Xhino Nebi.
Ndërsa personi nën hetim me iniciale EA (alias K.A) Eldian Allushi i cili sipas SPAK, ka ushtruar ndikim të paligjshëm tek punonjësi i policisë personi nën hetim E.A, si dhe pas këshillave të këtij të fundit, është arritur që mbajtjen pa leje të armës së zjarrit në automjet e ka marrë përsipër një shtetasi tjetër i mitur, i cili më pas është arrestuar nga oficerët e policisë gjyqësore, ndërkohë që realisht shtetasi i mitur ka qenë duke drejtuar pa leje drejtimi, mjetin e mësipërm ku ndodhej dhe arma, mjet i cili i ishte dhënë nga shtetasi nën hetim Xhino Nebi, disa çaste më parë.
Në një deklaratë zyrtare ditën e diel, SPAK thotë se Struktura e Posaçme kundër Korrupsionit dhe Krimit të Organizuar, në bashkëpunim të ngushtë me Eurojust, Europol dhe agjencitë ligjzbatuese franceze dhe greke ka zhvilluar hetime lidhur me disa shtetas shqiptarë të përfshirë në aktivitete kriminale në Shqipëri dhe Greqi.
“Gjatë viteve 2019-2021, evidentohet fakti se në Sarandë ka vepruar një grup i strukturuar kriminal, i cili merrej me kultivimin dhe trafikimin e bimëve dhe lëndëve narkotike, ndërsa, krijuesi, drejtuesi dhe organizuesi i tij dyshohen se janë shtetasit nën hetim; K.Q (alias J.H, alias J.Q) dhe E.A (alias K.A). Nga hetimi del në pah fakti se gjatë viteve 2019-2021, pjesëtarë të këtij grupi të strukturuar kriminal, kanë pasur detyra të caktuara me qëllim kultivimin e bimëve narkotike, cannabis sattiva në zonën e Sarandës dhe rrethinat e saj, duke e mbjellë në zona të caktuara dhe kultivuar në ambiente të mbyllura”, thuhet në njoftimin e SPAK.
LEXO EDHE:
Arrestimi i efektivëve të policisë, SPAK zbardh skemën: Trafikuan drogë me vlerë 1.7 mln euro
