Valbona nuk po kalon aspak një moment të mirë në kampionat, teksa ndodhet në vendin e 11-të me vetëm 13 pikë, 5 më shumë se Erzeni. Pikërisht përpara duelit me shijakasit ka ndodhur e papriturta te tropojanët.
Nga klubi Tropojan janë larguar 8 futbollistë. Por jo vetëm kaq, pasi janë larguar edhe trajneri i portierëve dhe një nga fizioterapistët. Saktësisht bëhet fjalë për Agustin Mashi, Forald Hoxha, Frenki Lamçe, Juxhino Zeqiraj, Alvaro Farruku, Esmerald Aluku, Kevi Llanaj dhe Jeton Krasniqi.
Sipas informacionëve të larguarit kanë deklaruar se kjo ka ardhur si pasojë se kanë 4 muaj pa u paguar. Gjithsesi kjo është një situatë alarmante te Valbona që kërkon qëndrimin mes më të mirëve në Kategorinë e Parë.